Ioh nongkitkam thymmai ka JSM Western Region

Syllad | The Rising MeghalayaApril 22, 2023

Ka Jaintia Students’ Movement (JSM), Western Region kala jied bad pynskhem ïaki nongkitkam naka bynta ka samoi treikam jong u snem 2023-26 haka jingïalang kaba la long ha sngi Saitjaiñ.

Ïaki nongkitkam jong ka JSM Western Region, la pynskhem da u president central body u Leningstar Rymbai haka jingialang kaba pynïaid da u working president central body Jimmy Raul Kharmuti.

U Leningstar Rymbai haka jingkren ula ïathuh lyngkot ïaki mat jingdawa kiba hakhmat eh jong ka JSM kata ban pynïoh kolej sorkar ha East Jaintia Hills District, ban kyntiew kyrdan ïaka Kiang Nangbah Government College nalor kiwei kiwei.

Ula kyntu ïaki nongkitkam ban long kiba shemphang bad ban don ka mynsien ïaishah na bynta ka bha ka miat jong ka jaitbynriew.

U president bathymmai u N Ribok Biam ula kyntu ban don ka jingiatreilang bad ïa sngewthuh jingmut para nongkitkam.

Katto katne ki nongkitkam JSM Western Region ki dei u president N Ribok Biam, vice president Pynjurbha Suchiang, working president N. Jordan Rymbai bad Wanpoi Lyngdoh, bad u general secretary Shanskhem Suchiang.