Ioh myntoi palat 40 ngut ki samla na ka jinghikai kaba long ha Laskein Village

Syllad | The Rising MeghalayaJune 24, 2024

Ka Unemployed Youth Development Society (UEYDS) haka 22 tarik Jylliew ka la pynlong ia ka prokram jingai jinghikai haka jingiatreilang bad ka ophis u Deputy Commissioner, West Jaintia Hills District, hapoh ka Chief Minister Youth Development Scheme (CMYDS) 2022-23 halor ka mat Youth Seminar ha shnong Laskein.

Ia kane ka prokam ai jinghikai la pyniaid da ka Wailad Wahlang. Ki riewshemphang kiba donlang ha kane ka jingai jinghikai ki kynthup iaka kong Yeima Syngkon bad u Bah Optimist Sdor, ha ryngkat ka jingdonlang u Bah Lasting Suchiang bad u Bah Rimiki Lathong kum u Director jong ka UEYDS, ka kong Aidarika Lyndoh kum ka convener jong kane ka prokram, u Bah Dialmy Rabon kum u Executive Member jong ka seng.

Ha ka jingïalang, Ka kong Yeima Syngkon ka la kren halor ka jingshah pep skul shiteng por, ka jingshongkha khynnah bad ka jinghikai ha kaba iadei jingnang jingtip shaphang ka pisa pilain neka financial literacy.

U Bah Optimist Sdor pat u la ïathuh halor ka sengkam lajong bad ka jingpynneh pynsah iaka mariang.

Ha kane ka jingai jinghikai ki don kumba 40 ngut ki samla kiba ioh myntoi na ka jingai jinghikai bad la sam ruh iaka syrnod sha kiba iashimbynta.