Ioh kurup ki shipai BSF 70 tylli ki masi ba thmu shalan beain shapoh Bangladesh

Syllad | The Rising MeghalayaOctober 11, 2023

Ki shipai Border Security Force (BSF) ka Meghalaya kila ioh ban kurup haduh 70 tylli ki masi ia kiba la thmu ban khaii beain shapoh Bangladesh lyngba ka thain khappud jong ka South Garo Hills, East Khasi Hills bad East Jaintia Hills.

Na ka liang ki shipai BSF ki pynpaw ba ha ka sngi ba Ar ba la lah hadien ba ki la ioh ia ka jingtip kaba bniah bad da ka jingiatreilang bad ki pulit Meghalaya, kila pynlong ka jingpynap shrip ha ka shnong Silbari, South Garo Hills kaba don ha khappud bad ioh ban kurup ia 22 tylli ki masi kiba la buhrieh hapoh ka jaka khlaw na ka bynta ban khaii beain shapoh Bangladesh.

Hadien ia kine ki masi kiba la kurup la aiti noh sha ki pulut ba kin leh ia kaba donkam.

Ha kawei pat ka jingkhynra, ki BSF kila ioh ban kurup 48 tylli ki masi kiba thmu ban khaii beain shapoh Bangladesh na ki thain khappud jong ka East Khasi Hills bad East Jaintia Hills.