Ioh kurup ki pulit Ri Bhoi ia u drok heroin ba shongdor haduh 9 klur, shah kem 3 ngut

Syllad | The Rising MeghalayaOctober 5, 2023

Ki bor pulit ka  Ri Bhoi District hynne ka sngi Palei ki la ioh ban kurup ia u drok heroin uba shongdor hatuh T. 9 klur bad kem noh ia laingut ki briew kiba donkti hadien ka jingtalasi ha ka thain Nongpoh.

 Kane ka la wan long ruh hadien ba ki pulit ki la ioh ia ka jingtip kaba bniah halor ka jingdon jong ki nongkhaii drok kiba wan lyngba kawei ka bus night super.

Hadien ka jingpynap shrip na ka liang ki bor pulit ki la ioh ban bat noh ia kane ka bus kaba don ia u nombor AS24-AC-1151 ka ban wan na ka thain Silchar da ka jingthmu ban leit sha Guwahati, bad ha ka jingtalasi ki la ioh ban kurup ia une u drok heroin uba don 921 gram ia uba la thep bha hapoh ki 30 tylli ki synduk sabon.

Kine ki laingut ki briew kiba la shah kem kikynthup ia u nongniah bad u nongbud jong ka bus. Halor kane ka jingjia la rejistar case ha Nongpoh hapoh ki kyndon ain jong ka NDPS Act.