Ioh kurup ki pulit ka EJH ia u drok heroin ba shondor haduh 2.1 klur

Syllad | The Rising MeghalayaMay 1, 2024

Ki bor pulit ka East Jaintia Hills ki la ioh ban kurup noh ia u drok heroin uba shongdor haduh kumba 2.1 klur hadien ka jingpynap shrip ha Ratacherra, East Jaintia Hills, bad kem noh ia u briew uba donkti  ha ka 30 tarik u Iaiong 2024.

U Superintendent of Police, East Jaintia Hills, u Giri Prasad M, IPS lyngba u kyrwoh u la ong ba kane ka jingioh kurup ka la wan long hadien ba ki bor pulit ha katei ka sngi ki la pynlong ka jingap ktem ha ki bynta jong ka Ratacherra Infil Check Post hadien ba ha ka por kumba 10 baje mynmiet ki la pynieng ia kawei ka night super Bus MTC kaba don ia u registration number ML-03-0216 na ka bynta ban pynlong ia ka jingtalasi.

Ha kane ka jingtalasi ki pulit ki la ioh kurup ia u drok heroin ba la buhrieh hapoh ki 25 tylli ki synduk sabon na uwei u briew uba la tip kyrteng kum u Mizazur Rahman uba dei naspoh Silchar, Assam.

Nalor kata ki pulit ki la ioh ruh ban kurup haduh 3720 tylli ki dawai kuli Nitrazepam Tablets bad kawei ka mobile phone.

Ioh kurup ki pulit ka East Jaintia Hills ia u drok heroin ba shongdor haduh T.7.2 klur

Hadien ki pulit ki la rah noh ia une u briew bad rejistar case pyrshah ia u hapoh ki kyndon ka NDPS Act.

Lyngba ka jingai mynsiem kaba iai bteng na u Myntri Rangbah ka Jylla bad lyngba ka jingiai kyrshan na u Director General of Police, Meghalaya, kane ka jingioh kurup drok kaba heh ka dei ka sien kaba ar tang ha ki lai sngi.