Ioh kurup ki pulit ia 2 tylli ki scooty ba shah tuh

Syllad | The Rising MeghalayaJuly 20, 2025

Ki pulit ki la ioh ban kem noh ia uwei u samla bad ioh kurup noh ia artylli ki scooty kiba shah tuh ha North Garo Hills District haka 20 tarik Naitung.

“Lyngba ka jingtrei borbah kaba khlem shongthait, ka jingtohkit kaba bniah bad ka jingbuddien kaba thikna, ki pulit ka North Garo Hills ki la ioh ban kurup noh ia ki artylli ki scooty kiba shah tuh,” ong u heh pulit.

Kane ka jingioh kurup ka la wan long ruh hadien ka jingai jingtip da une u samla uba la shah kem uba kyteng u Palsrang R Marak ia uba ju khot u Chusrang 20 snem rta uba dei na ka shnong Tengasot, Goalpara.

Ki pulit mynta ki la register case hapoh Resubelpara Police Station bad ia une u samla uba shah kynnoh donkti la wanlam hakhmat ka Iingkashari na ka bynta ban leh shuh shuh ia kaba donkam katkum ka ain.

Kham hashwa, kata ha ka 17 tarik Naitung ki pulit ki la ioh ban kurup noh ia kawei ka scooty kaba shah tuh ha kaba la kem noh ia uwei uba shah suba donkti.