Ioh kurup ki pulit ANTF haduh 28 gram u drok heroin na Jowai

Syllad | The Rising MeghalayaDecember 8, 2023

Ki pulit na ka tnat ANTF ki la ioh ban kurup ia u drok heroin uba don baroh haduh palat 28 gram lyngba ki artylli ki jingkhynra ba la pynlong ha kane ka miet sngi Palei bad ka step Sngi Thohdieng ha Jowai.

Na ka liang u heh pulit u la ong ba ha kane ka jingkhynra ki pulit ka ANTF ki la ioh ban kem noh ia arngut ki briew ia kiba la tip kyrteng kum u Chwamiki Lyngdoh, 32 snem rta uba dei na ka shnong Chutwaku, Jowai bad u Exeuben Lavie Kympat, 24 snem rta uba dei na Moosalyngkat, Jowai ha kaba la kurup noh ia ka kali kaba ki pyndonkam kaba don ia u nombor ML04A 6941.

Ha ka jingtalasi, ki pulit ki la ioh ban kurup ia u drok heroin uba don ka jingkhia kaba 4.5 gram, 237 tylli ki dawai kuli nitrozepam tablet bad 45 tylli ki thyrnia injek nalor ka pisa T. 17090.

Hadien kane na ka liang ki pulit ki la bteng ban pynlong ka jingkhynra ia ka iingsah jong u Shwamiki Lyngdoh ha kaba ki la ioh ban kurup sa 24.47gram u heroin. Halor kane ka jingjia na ka liang ki pulit rejistar case pyrshah ia kine ki arngut.