Ioh kurup ki BSF shibun bah ka dawai Phensedyl, ka kyiad bad shini na East Jaintia Hills

Syllad | The Rising MeghalayaSeptember 2, 2023

Ki shipai Border Security Force (BSF) Meghalaya ha kine ki 24 kynta ba la dep  ki la ioh ban kurup shibun bah ka dawai jyrhoh Phensedyl, ka kyiad bad ka shina na ki bynta khappud jong ka ka  South Garo Hills bad East Jaintia Hills ka jylla ia kiba la thmu ban shalan beain shapoh Bangladesh.

Hadien ba la ioh ia ka jingtip kaba bniah ki shipai BSF na ka  181 Battalion ki la lah ban pynpulom noh da kaba ioh ban kurup  haduh 3,100 bilor ka dawai jyrhoh Phensedyl ia kaba la thmu ban shalan beain shapoh Bangladesh lyngba ki jaka khappud napoh West Garo Hills. Ia kine ki dawai ba la ioh kurup la aiti noh shapoh  PS- Dobasiparafor na ka bynta ban leh shuh shuh ia kaba donkam.

Ha kawei pat ka jingkhynra, ki BSF ka 172 Bn ki la pynlong ka jingpynap shrip lyngba ka kali ha ki bynta jong ka Sonapur ha kaba ki la lapdien ia ki artylli ki kali Bolero Pickup kiba kit 15 synduk ka kyiad bad 32 byrni ka shini na ki bynta khappud jong ka East Jaintia Hills.

Haba pynlong ka jingtohkit, na ka liang ki nongniah bad ki briew kiba don hapoh kim shym la lah ban ai ia ka jubab nalor ki kot ki sla kiba biang kaba la pynlong ia ki ba kin nang suba jur.

Kumta hadien kane ki BSF ki la kem noh ia ki bad kurup noh ia kane ka kyiad bad ia ka shini.Hadien ia kine ki briew kumjuh ia ki mar ba la ioh kurup la aiti noh sha ki bor pulit ka Umkiang na ka bynta ban leh ia ka ba donkam.