Ioh kurup ki BSF shibun bah ka dawai jyrhoh beaiñ bad shini na khappud

Syllad | The Rising MeghalayaDecember 9, 2023

Ki shipai Border Security Force (BSF) na ka 4th Battalion ha ka 8 tarik mynta u bnai ki la lah ban pynpulom biang ia ki kam khaiï beain jong ki kynhun runar lyngba ki jaka khappud ka India Bangladesh da kaba ioh ban kurup haduh 375 bilor ka dawai jyrhoh Phensedyl ba la khein beaiñ ia kiba la thmu ban shalan tuh shapoh Bangladesh lyngba ki jaka khappud ka East Khasi Hills.

Hadien ba la ioh ia ka jingtip kaba bniah ki shipai BSF ki la ioh ruh ban kurup noh shibun bah ka shini hadien ka jingkhynra ha kiba bun tylli ki jaka ha ki bynta khappud ka jylla.

Ia kine ki mar ba la ioh kurup la aiti noh sha ki bor ba dei khmih ka tnat custom ban leh iaka jingdonkam ka aiñ.