Ioh kurup ki BSF ia ki tiar ba shongdor palat T.10 lak na khappud ka East Khasi Hills

Syllad | The Rising MeghalayaNovember 21, 2024

Ha ka jingbteng ban tehlakam ia ki kam khaii tuh, ki shipai Border Security Force (BSF) ka Meghalaya ki la lah ban pynpulom noh ia ka jingthmu khaii tuh ia kiba bun bah ki tiar kiba shongdor palat T.10 lak lyngba ki jaka khappud shapoh Bangladesh.

Lyngba u kyrwoh la pyntip ba hadien ba la ioh ia ki jingtip kiba thikna, ki BSF na ka 4th Battalion ki la pynlong ia ka jingkhynra kaba kyrpang hajan ki bynta khappud jong ka ri ha ka thain Pynursla, East Khasi Hills ha kaba ki la ioh ban kurup noh ia shibun bah ki tiar ia kiba la buhrieh hapoh kawei ka jaka khlaw hajan khappud bad ka Bangladesh.

Hadien kane ia kine ki mar ba la ioh kurup la aiti noh sha ka ophis Custon ha Pynursla ban leh shuh shuh ia kaba donkam katkum ka ain.