Ioh kurup ki BSF ia ki juti bad ki iitkhmat kiba kot 11 lak tyngka na East Khasi Hills

Syllad | The Rising MeghalayaOctober 10, 2023

Ki shipai Border Security Force (BSF) ka Meghalaya na ka 193 Bn ha ka 9 tarik mynta u bnai sa shisien pat ki la ioh ban pynpulom ha kaba iadei bad ki kam khaii beain da kaba ioh ban kurup noh ia shibun bah ki juti bad ki iitkhmat kiba kot sha ka T.11 lak ia kiba la thmu ban shalan beain shapoh Bangladesh na ki bynta khappud ka East Khasi Hills District.   

Ia kine ki mar la ioh ban kurup noh da ki shipai BSF ha ka por ba ki nongkhaii tuh ki dang pyrshang ban shalan beain shapoh Bangladesh lyngba ki jaka khappud jong ka ri.        

Hynrei, hadien ba ki la iatyngkhuh bad ki shipai BSF, kine ki runar ki la phet krad noh bad ieh jyndat ia kine ki mar da kaba shim kabu hapdeng ka jingdum jong ka bneng.

Hadien kane na ka liang ki shipai ki la kurup noh ia kine ki tiar ban aiti noh sha ka ophis ka tnat custom ha Dangar na ka bynta ban leh ia kaba donkam.