Ioh kurup ki BSF ia ki jain ba shongdor 35 lak ba thmu khaii sha Bangladesh

Syllad | The Rising MeghalayaDecember 14, 2023

Ki shipai Border Security Force (BSF) Meghalaya na ka 193rd battalion ha ka 12 tarik Nohprah hadien ba ki la ioh ia ka jingtip kaba bniah ki la pynlong ka jingpynap shrip bad lapdien ia kawei kawei ka kali na Dulainala ha ki bynta khappud ka East Khasi Hills.

Hadien ba ki shipai ki la pynlong ia ka jingkhynra ki la ioh kurup ia shibun bah ki jain ki nep kiba shongdor haduh palat T.35 lak ia kiba la thmu ban shalan shapoh Bangladesh.

Ki shipai ki la kem noh ia u nongniah bad kurup noh ia ka kali hadien ba um shym la lah ban pyni ia ki kot ki sla kiba biang ha kaba iadei bad kine ki jain ki nep ba thmu ban khaii.

Hadien ia une u nongniah bad ia ka kali ba la kurup la aiti noh ha ki pulit ka Dangar OP na ka bynta ban leh shuh shuh ia kaba donkam.