Ioh kurup ki BSF ia ki dawai bad jain saree ba shongdor 17 lak tyngka

Syllad | The Rising MeghalayaOctober 7, 2023

Ki shipai Border Security Force (BSF) Meghalaya ki la ioh ban kurup  shibun bah ki dawai bad ki jain saree kiba shongdor haduh kumba T.17 lak ia kiba la thmu ban shalan beain shapoh Bangladesh.

Hadien ba la ioh ia ka jingtip kaba bniah, ki shpai BSG na ka 172Bn ki la pynlong ka jingkhynra ha ki bynta jong ka Hingaria ha ki bynta khappud ka East Jaintia Hills District ha kaba ki la ioh ban kurup ia ki dawai kiba la iehnoh ha ki bynta khappud jong ka ri ia kiba la thmu ban shalan beain shapoh Bangladesh.

Nalor kata ki bor shipai ki la ioh ruh ban kurup ia shibun bah ki jain saree ia kiba la thmu ban shalan beain shapoh Bangladesh lyngba ki jaka jaka. Hadien la aiti noh ia kine ki mar ba la ioh kurup sha ka ophis ka tnat custom ban leh ia kaba donkam.

Ha kawei pat ka jingkhynra, ki shipai BSF ka jylla na ka tnat 4Bn ki la ioh ban kurup shibun bah ki jain saree na ki bynta khappud jong ka East Khasi Hills ia kiba la thmu ban shalan beain shapoh Bangladesh.