Ioh kurup ki BSF ia ki bniat hati ba thmu khaii tuh sha Bangladesh

Syllad | The Rising MeghalayaJanuary 14, 2025

Ki shipai Border Security Force (BSF) na ka Ist Battalion ha ka 12 tarik Kyllalyngkot ki la ioh ban kem noh ia uwei u nongkhaii beain ha ryngkat ki bniat hati.

Kane ka jingioh kem ia une u nongkhaii tuh ka la wan long ruh hadien ba ki BSF ki la ioh ia ka jingtip kaba bniah ha kaba ki la ioh ruh ban kurup noh ia kine ki bniat hati ia kiba la thmu ban khaii beain shapoh Bangladesh.

Hadien ia kine ki bniat hati la aiti noh sha ka District Forest Office, Baghmara na ka bynta ban leh ia kaba donkam bad ban pynlong shuh shuh ia ka jingtohkit.

Na ka liang ki BSF ki la bteng ban pynkhlain ia ki lad jingiada ha ki thain khappud khnang ban khanglad ia ki kam shalan beain ia ki mrad khlaw bad kiwei pat ki kam khaii beain nalor ki kam rungtuh lyngba ki jaka khappud jong ka ri.