Ioh kurup ki BSF haduh 46 tylli ki masi ba thmu khaii tuh sha Bangladesh

Syllad | The Rising MeghalayaMarch 13, 2025

Ki shipai Border Security Force (BSF) ka Meghalaya ki la ioh ban kurup haduh 46 tylli ki masi kiba shongdor palat T. 8 lak na ki bynta khappud ka West Jaintia Hills District ia kiba la thmu ban khaii tuh shapoh Bangladesh.

Hadien ba la ioh ia ka jingtip kaba bniah, ki shipai BSF ka 4th Battalion ki la pynlong mardor ia ka jingkhynra ha ki bynta khappud jong ka ri ha West Jaintia Hills ha kaba ki la ioh ban kurup noh ia ki 46 tylli ki masi ia kiba la teh ha kawei ka jaka khlaw da ka jingthmu ban khaii tuh lyngba ki jaka khappud.

Hadien ia kine ki masi la leit ban aiti noh shapoh ka Police Station ha Muktapur na ka bynta ban leh shuh shuh ia kaba donkam.