Ioh kurup ki BSF haduh 15 hajar kilo ka shini na ka thain Dawki

Syllad | The Rising MeghalayaNovember 27, 2024

Ki shipai Border Security Force (BSF) ka Meghalaya ha ka 25 tarik Naiwieng ki la ioh ban kurup haduh 15,000 kilo ka shini kaba shongdor kumba T.6 lak ia kaba la thmu ban khaii tuh shapoh Bangladesh.

Kane ka jingioh kurup ka la wan long hadien ba ki BSF na ka 4th Battalion ki la ioh ban bat noh ia sawtylli ki kali kiba kit ia shibun bah ka shini na Shnongpdeng hajan ki bynta khappud ka thain Dawki.

Hadien ia kane ka shini kumjuh ia ki kali ba la ioh bat la aiti noh sha ka Tnad Custom ha Dawki na ka bynta ban pynlong shuh shuh ia ka jingtohkit.