Ioh kurup haduh 3000 metric ton u dewiong beain na East Jaintia Hills

Syllad | The Rising MeghalayaMay 23, 2025

U Deputy Commissioner, East Jaintia Hills District u pyntip ba haduh 3000 Metric Ton u dewiong ba la tih beain la ioh ban kurup bad pynkynriah noh sha ka jaka buh dewiong jong ka Coal India.

Kane ka jingioh kurup ka la wan long hadien ba ki bor pulit ka District ki la pynlong ka jingleit jurip mar ia ioh jingtip ha kaba iadei bad ka jingdon jong u dewiong ba la tih beain ia uba la lum thup ha ka jaka khlaw ha ka shnong Lum Bangla.

Ia kane ka jingleit jurip la pynlong da kaba bud ryntih ia ki kyndon jong ka MMDR Act ha kaba la lap ia u dewiong ba la lum thup shabar ka jaka ba la ithuh da ka sorkar.

Katkum ka kaiphod ka jingioh jingkhein na u Divisional Mining Officer baroh une u dewiong ba la ioh kurup u don haduh 3000 metric ton.