Ïoh kurup drok bad WY tablet ki shipai BSF na jan ka shnong Pomshutia

Syllad | The Rising MeghalayaFebruary 14, 2020

SHILLONG: Ki Shipai BSF kila ïoh kurup drok Heroin bad WY Tablet ba khiah 0.622 kg bad 10.83 grams hajan ka shnong Pomshutia kaba hap hapoh ka Pynursla Police Station, East Khasi Hills District.

Ïa une u drok Heroin bad WY Tablet la kurup haka 12 tarik une u bnai na kawei ka kali Maruti Alto kaba don u number ML-05Q-2979 kaba wan na Shillong bad thmu ban leit sha Dawki.

Halor kane u Prem Singh jong ka E-Coy, 30 Bn BSF ula mudui da ka jingujor ejahar ha Pynursla Polcie Station.

La ïathuh ba ki shipai bad ki pulit kila ïoh kurup ia kine ki drok hadien ba kila ïoh jingtip ba thikna bad kila pynap shrip bad ioh bat ïa kane ka kali ha Pomshutia. Halor kane ka jingtohkit kala iaid shakhmat.