Ioh kurup dewiong beain haduh 6000 MT na East Jaintia Hills

Syllad | The Rising MeghalayaMay 10, 2025

U Deputy Commissioner jong ka East Jaintia Hills District haka 10 tarik Jymmang ula pyntip ka kynhun hapoh ka jingialam u Executive Magistrate, ki pulit bad ki heh jong ka DMR kila pynlong ka jingkhynra hapoh ka district bad haka jingkhynra kila lap ia u dewiong beain uba la lum thup ha kawei ka jaka ba don shabar ka jingkhein kaba la dep lum ia u dewiong uba la dep tih.

Ka jingpynlong ia kane ka jingkhynra kalong kum shibynta ban bud tyntih iaka jingbthah jong ka iingbishar Meghalaya High Court bad Directorate of Mineral Resources (DMR.

Ia une u dewiong beain la kurup noh bad la pynkit sha jaka pyllang dewiong jong ka Coal India.

Katkum ka Assessment Report ba la ioh pdiang haka 9 tarik Jymmang na u  Divisional Mining Officer, la ong ba une u dewiong ba la ioh kurup u don 6000 metric ton.

Halor kane la ujor ruh iaka ejahar katkum ka ain Mines and Minerals (Development and Regulation) Act (MMDR) bad ka jingtohkit halor kane kala iaid shakhmat.