Ioh kor ultra sound ba nyngkong eh ka East Jaintia Hills

Syllad | The Rising MeghalayaJanuary 22, 2023

Haka sngi ba ka jylla Meghalaya kala rakhe iaka jingioh jylla ba 51 snem, ka East Jaintia Hills District kala ioh iaka kor ultra sound kaba nyngkong eh ha Khliehriat Civil Hospital.

U Deputy Commissioner, East Jaintia Hills District Abhilash Baranwal ula ong ia kane ka kor Ultra sound la ioh da ka jingpynbeit ka bor synshar district lyngba ka CSR na ka NETC.

Ka jingdon kane ka ultra sound machine kan iarap iaka ban ka jingsumar kaba bha haka liang ka koit ka khiah bad ki nongshong shnong ka district kim donkam shuh ban leit sha kiwei pat ki district ban phah test iaki jingpang jong ki, la ong u DC haka jingplie ia kane ka kor ha Khliehriat civil hospital.

Kiba iadonlang ha kane ka sngi ki kynthup ia u NR Singh ba wan mihkhmat iaka NETC, A Singh, IAS (SDO Sadar), J Shylla (ADC Health) bad Dr D Shylla (DMHO).