Ioh khur u Kevin 2 ki takma Ksiar ha ka National Mountain Bike Championship

Syllad | The Rising MeghalayaApril 2, 2025

U Kevin Lyngdoh Sangriang 15 snem ka rta na ka thain Mawkyrwat u la ioh khur haduh artylli ki takma Ksiar ha ka lympung ialehkai ba la tip kum ka “21st National Mountain Bike Championship 2025″ kaba la long ha Morni Hills ka jylla Haryana ka 28 haduh ka 31 tarik Lber 2025. 

U Kevin u la ioh khur ia kine ki artylli ki takma ksiar ha ka jingiakop Cross Country Time Trial bad ha ka Cross Country Olympic. Katba u Meban Aiboklang Suiam u la ioh khur ia ka takma Rupa.

Ha kane ka lympung iakob niah cycle ka Meghalaya Cyling Association ka la phah 14 ngut ki samla shynrang bad kynthei ban leit  iashim bynta hynrei napdeng kine ki 14 ngut, arngut ki la ioh ban khur takma katba ki 12 ngut kiwei pat watla kim shym ioh khur takma hynrei ki la lah ban pynpaw pat ia ka sap ka phong bad ia ka jingtbit niah cycle jong ki.

Na ka liang ka Meghalaya Cycling Association ha ka 1 tarik Iaiong 2025 ka la ioh ban pdiang burom ia kine ki samla ha ISBT Shillong ha ka jingiadon ryngkat lang u Bah Lening S Bareh President ka Meghalaya Cycling Association nalor ki nongkitkam bad kiwei kiwei.