Ioh kem ki BSF ia hynriew ngut ki nong Bangladesh na ki bynta khappud ka East Jaintia Hills

Syllad | The Rising MeghalayaJanuary 24, 2025

Hynriew ngut ki nong Bangladesh kaba kynthup ia sawngut ki khynnah rit ki la shah kem noh ha ka 23 tarik Kyllalyngkot katba ki dang pyrshang ban jam shapoh Bangladesh lyngba ki jaka khappud jong ka ri na East Jaintia Hills district.

Hadien ba la ioh ia ka jingtip kaba thikna, ki shipai Border Security Force (BSF) mardor ki la hiar sha katei ka jaka bad pynpulom noh ia kane ka jingthmu jam beain jong ki da kaba kem noh ia baroh ki hynriew ngut ki nong Bangladesh.

Hadien ka jingtohkit, kine ki hynriew ngut ki la phla ba ki la wan rung beain sha INdia naduh kine ki khyndiat bnai ba la dep. Nalor kata ki la phla ruh ba ki la trei kum ki nongtrei iing briew ha Bangalore bad ba ki la pyrshang ban leitphai pat sha Bangladesh lyngba ka lynti kaba beain.

Kine ki briew kiba la shah kem noh ki dei kiba la tip kyrteng kum ka Shipli 26 bad ka Rumana 23 snem rta.

 
Ia kine ki briew kumjuh ia ki tiar ba la ioh kurup noh la aiti shapoh Umkiang police station na ka bynta ban bteng ia ka jingtohkit bad ban leh ia kaba donkam.