Ioh kem ki BSF haduh 26 ngut ki nong Bangladesh bad 4 ngut ki nong India

Syllad | The Rising MeghalayaJuly 16, 2025

Ki shipai Border Security Force (BSF) ki la ioh ban kem haduh arphew hynriew ngut ki nong Bangladesh bad saw ngut ki nong India kiba iarap pynrung tuh na ki bynta khappud hapoh West Garo Hills District.

Hadien ba la ioh ia ka jingtip kaba bniah, ki BSF na ka 22 Battalion ki la ioh ban bat noh ia lai tylli ki kali na ka surok Hill Road ha Matchokpara, bad hadien ka jingtalasi la lap ia ka jingdon jong ki nong Bangladesh ia kiba la iarap pynrung tuh da ki nongialam lynti na India shapoh ka jylla.

Da kane ka jingkloi jong ki BSF la lah ban khanglad ia kane ka jingwan rungtuh jong ki briew napoh Bangladesh bad kaba pyni ruh ia ka jingkut jingmut kaba skhem jong kane ka tnad shipai na ka bynta ban iada ia ki kam shongshngain jong ka ri.

Kane ka jingkhynra kaba seisoh ka kdew ruh halor ka bynta kaba kongsan kaba ki shipai BSF ki dang iai bteng ban trei borbah ban khanglad ia ki kam bymmah bad ki kam wan rungtuh lyngba ki jaka khappud bad ka Bangladesh.