Ïoh kali kit ñiut ka shnong Umkiang, ai khublei ia u ma Shitlang Pale

Syllad | The Rising MeghalayaJuly 1, 2021

Ka dorbar shnong Umkiang, East Jaintia Hills District kala ïoh ia kawei ka kali kit ñiut kaba la synñiang u MLA ka thain u Ma Shitlang Pale bad ia kane ka kali la pyllait paidbah ba kan sdang iaka jingshakri da u waheh shnong ma Lasting Pala haka sngi Palei.

La iadonlang ha kane ka jingpyllait paidbah u ma W Rymbai, dkhot shnong nalor u Assistant secretary Ellend Mynthlu ki Rangbah Dong/Secretary Dong jong ki 10 tylli ki Dong bad kiwei kiwei.

Ka Dorbar Shnong Umkiang, East Jaintia Hills District, ka pynpaw ia ka jingsngewnguh ia u Local MLA, Shitlang Pale, halor ka jingai jingiarap jong u sha ka shnong Umkiang da ka kali kit niut bad kane kanlong ka jingkyrkhu iaka shnong ban ioh ban pynneh pynsah iaka khuid suba ka shnong baroh kawei.

Ka Dorbar Shnong Umkiang kala khublei ruh ia u MLA uba la iarap ban pynioh ruh iaki lynti pohshnong bad kiwei kiwei ki lad jingirap ia u paidbah.