Ioh ka Sawmer iaka jingjop kaba nyngkong hadien ba shah rem sawsien kynthih ha ka Shillong Premier League

Syllad | The Rising MeghalayaApril 25, 2024

Hadien ka jingshah rem kaba sawsien kynthih ka Sawmer SC ka la ioh ban khur ia ka point kaba nyngkong ha ka lympung ialehkai Shillong Premier League da kaba pynliem noh ia ka Ryntih SC da 4-0 ha ka jingialehkai kaba la long haka 24 tarik Iaiong ha madan SSA Stadium Polo, Shillong.

Ka Sawmer ka la ioh ia ka lad ban pynkhih jar mar ia sdang ka jingialehkai lyngba u Diego Khriam ha ka minit kaba 27. Haba wanphai sha ka kylla miet ka Sawmer ka la lah ban kham banbor shuh shuh ha kaba u Lamshaphrang Kurbah u la ioh ban thep ia ka kol kaba ar ha ka minit kaba 61.

Na ka liang u rang ialehkai ka Ryntih u Melvin Warjri ula pyrshang ban iada ia ka bol ban poi sha u Diego hynrei katei ka bol kala leit rung pynban shapoh la ka jong ka kol haka minit kaba 81, katba hashwa kaba kut jong ka por u Rheadolf Daloi ula thep ia ka kol kaba khatduh lyngba ka Penalty ha ka minit kaba 90.

Kumba ka long mynta ka Ryntih ka dang iai neh ha ka kyrdan kaba 4 bad ioh 7 point, katba ka Sawmer kaba la ioh ia kane ka jingjop ka la ioh tang 3 point bad mar ia ryngkat bad ka Nongthymmai SC kumjuh bad ka Nangkiew Irat SC.

Ka jingialehkai lashai ka sngi Palei 25 tarik kan long hapdeng ka Nongthymmai pyrshah ia ka Langsning ha ka por 3:15 janmiet.