Ioh jingmyntoi ki paidbah na ka Health Camp ha Khanduli

Syllad | The Rising MeghalayaJuly 9, 2025

Bun bah ki paidbah nongshong shnong ki la ioh jingmyntoi na ka Health Camp ba la pynlong da ka District Malaria ryngkat ka District Medical & Health Officer, Jowai ha ka shnong Khanduli, West Jaintia Hills District ha ka 8 tarik Naitung.

Ka jingpynlong ia kane ka Health Camp ka thmu ban pynjan ia ki lad aijngsumar ba kongsan sha ki shnong ki thaw khnang ban kyntiew ia ka koit ka khiah jong ki paid nongshong shnong.

Ha kane ka prokram la buh ia buntylli ki jaka ban iasyllok nalor ki jingpynshai paidbah ha kaba iadei bad ka jingpang Malaria nalor kiwei pat ki mat kiba iadei bad ka koit ka khiah.