Ioh bat ki pulit 119 tylli ki kali bad ar shaka ba pyndait exhaust pipe kiba pynmih jingsawa

Syllad | The Rising MeghalayaNovember 7, 2023

Ki Pulit ka Shillong Traffic Police (STP), kila ioh ban bat bad kurup noh haduh 119 tylli ki kali bad ki ar shaka kiba pyndait ia ki exhaust pipe ba khyllah kiba pynmih ia ka jingsawa kaba jam ia kiba ki la shu pynkylla hi da kaba dain kuna T.5000 kawei.

U Superintendent of Police (City) ka East Khasi Hills District, u Bah Vivek Syiem IPS ha u kyrwoh ula ong ba kine ki kali ki dei kiba la ioh bat naduh ka 1 tarik Risaw haduh ka 5 tarik mynta u bnai bad la dain kuna ia ki katkum ka kyndon 182-A4 jong ka Motor Vehicle Act.

Ha kajuh ka por une u heh pulit ula kyntu ruh ia baroh ki nongbuh kali ba kin bujli noh ia ki exhaust pipe da kiba wan lang bad ki kali na ki Company namar ka jingpyndait ia kine ki pipe ka ktah jur ia ki paidbah nongleit nongwan namar ka jingsawa jam kaba mih lyngba kine ki kali.

Ha kajuh ka por la kyntu ruh ia ki nongniah kali ba kim dei ban tah iit iong ha ki kali, teh ia ki light kiba pynthaba lane ia ki siren ha ki kali. Shuh shuh u la ong ba ka jingtalasi kan dang iai bteng bad yn pynshitom da kaba tyngeh ia kiba ialeh pyrshah.