Ïoh bat ka JSM iaka bos Silchar ba kit kwai supari, suba ba dei uba shalan beaiñ

Syllad | The Rising MeghalayaMay 27, 2021

Ka jingkhang dam ne ka lockdown ban iakhun pyrshah iaka jingpur ka khlam COVID-19, kala kylla long ka kabu ksiar iaki briew ban iohlad ban leh iaki kam beaiñ bad kane kala paw pyrthei da ka jingioh bat ka Jaiñtia Students’ Movement (JSM) ia kawei ka bos night super kaba kit kwai supari haka miet sngi Balang.

Kane ka bos night super ka dei kaba don u registration number AS 01 NC 0243 kaba wan na Silchar bad ka thmu ban leit sha Guwahati Assam.

U Ribok Biam Education secretary JSM western region ula ong ba hadien ba kila ioh jingtip ba ka don ka bos night super kaba kit ia u kwai supari uba suba da dei u mar ba shalan beaiñ kila ap thap iaka bad ioh bar ha toll gate ha Ialong.

Ula iathuh ba ha kane ka bos ki don 9 ngut ki passenger bad haka jingkhyra ia kane ka bos, kila lap haduh 45 byrni u kwai supari bad kila ai ia une u kwai bad u nongniah ka bos ha ki Pulit ka Phramer Traffic Cell.

Ka JSM ka maham jur ban kan nym shong kli kti bad kan iai bteng ban khynra ban khang lad iaki kam beaiñ.

Ki Pulit kila kurup ia u kwai bad ka jingtohkit kala iaid shakhmat.