Independence Day Cup: Khot entry ka WJDSA

Syllad | The Rising MeghalayaJune 21, 2022

Ka West Jaintia District Sports Association (WJDSA) kala pyntip ban kan pynlong iaka Independence Day Cup Under-16 Football League Cum Knock Out Tournament 2022 ha Kiang Nangbah Stadium.

Kumta, ka WJDSA ka khot bad wer sngewbha ia kino kino ki club ban wan iashimbynta ha kane ka lympung ka ban sdang ha u bnai Naitung (July).

Ka bai rung (Entry) kalong T.1500, ka bai register uwei u player T.30 bad kawei ka kynhun kam dei ban palat iaka 25 ngut lane duna 20 ngut ki player.

Ka tarik sngi kha kaban pdiang ka long ia kiba kha 1 tarik Kyllalyngkot (January) 2007 bad ki syrnod (certificate) ki dei ban long kiba ithuh da ka sorkar.

Ka tarik ba khatduh ban pdiang iaka bai entry ka long shuwa ka 9 tarik u Naitung (July) bad pynpoi ha u Hony. General Secretary WJDSA u Ma Lammat oo Laloo.