Iehnoh kam u Biangshwa Shylla kum u Chairman JAC ki seng trok

Syllad | The Rising MeghalayaApril 30, 2025

U Ma Biangshwa Shylla uba long u Chairman jong ka Joint Action Committee (JAC) jong ki lai seng haka 30 tarik Iaiong ula phah iaka shithi iehnoh kam jong u sha u Secretary ka JAC ban pyntip ba ula iehnoh ïa ka kam Chairman naka daw ka jingbunkam shimet jong u.

Ki lai seng ki kynthup iaka Jaintia Hills Truck Owner’s Association (JHTOA), Meghalaya Commercial Truck and Driver Association (MCTDA) bad All Jaintia Cement and Clinker Transporter’s Association (AJCCTA).

Wat la ngam long shuh u nongialam jong ka JAC hynrei kum u dkhot nga long uba kloi ban donlang bad ka JAC ha kino kino ki kam kiba shakhmat, la ong u Ma Biangshwa Shylla.

Ha kajuh ka por ula ai ruh ka jingkitbok kitrwiang iaka JAC ba kan nanglah ban iaid shaphrang ban pyntyllun ïa kiba bun ki kam kiba iadei na ka bynta ka bha ka miat jong ki trai trok bad nongniah trok.