Iashimbynta ki kolej na rilum Jaintia haka iakop kyntip ktien ka Red Ribbon Club ka Jaintia Eastern College

Syllad | The Rising MeghalayaSeptember 24, 2021

Ka Red Ribbon Club jong ka Jaintia Eastern College, Khliehriat ryngkat ka jingïatreilang ka Meghalaya AIDS Control Society, Shillong ka la pynlong ïaka jingïakop Zonal Level Quiz Competition 2021 (Zone B) kaba kynthup ïaki kolej jong ka East bad West Jaintia Hills District.

Ïaka jingïakop la pynlong ha Jaintia Eastern College, Khliehriat haka 24 tarik une u bnai halor ka phang “Ki samla bad ka jingpang HIV/AIDS, Tuberculosis bad ka Voluntary Blood Donation”.

La wan ïashim bynta da ki hynriew tylli ki kolej ba kynthup ka Kiang Nangbah Government College, Jowai, ka Thomas Jones Synod College, Jowai, ka Nongtalang College, ka Ri War Jaintia College, Amlarem, ka Jaintia Eastern College, Khliehriat, ka St.Anthony,s College, Byndihati.

Ïaka Nongtalang College la mih khmat da ka samla Sowanki Pohrmen bad samla Eliteme Pohsnem kiba la jop ïaka jingïakop bad kin leit mih khmat ïaka Jaintia haka jingïakop State Level Quiz Competition 2021 ka ban pynlong ha nongbah Shillong.

Ka St. Anthony,s College bad ka Kiang Nangbah Government College ki la wan haka kyrdan kaba Ar bad ba Lai.

Haka jingïakop la sakhi lang da u Bah A. Lanong Program Officer jong ka MACS haka jingdonlang u Principal jong ka Jaintia Eastern College u Dr. Phervision Nongtdu bad ki nonghikai.