Iasam point ka Mowkaiaw bad Khliehtyrshi haka District Cricket League ka WJHDCA

Syllad | The Rising MeghalayaMay 6, 2025

Ka jingialehkai hapdeng ka Mowkaiaw CYC pyrshah iaka Khiehtyrshi kala kut noh da kaba iasam mar shi point haka District Cricket League kaba pyniaid da ka West Jaintia Hills District Cricket Association (WJHDCA).

Kane kala wan long hadien ba ka jingpynthud u slap u bym shym la ailad shuh ban teng ia kane ka jingialehkai kaba long ha madan Khliehtyrshi ha ka 6 tarik Jymmang.

Ka Mowkaiaw kaba thied shuwa kala kamai 132/9 naka 20 over. U Sanvert B Kurkalang u kamai 42 run bad u Wimisonroy Lyngdoh 20 run, katba ki nong. Katba na ki nongkawang ball ka Khliehtyrshi u Demi Dkhar ula khur 2 wicket.

Ka Khliehtyrshi haba beh iaka thong haka por kaba dang kamai tang 8 run kala liem 2 wicket na ka 3.4 over. Ha kum kane ka por ba dang iaid ka jingialehkai, u slap uba wan ther jur ula pynthud bad la hap ban pynsangeh noh iaka jingialehkai.

Ka jingialehkai haka 8 tarik Jymmang kan long hapdeng ka Moodymmai SC pyrshah iaka Evergreen Mukhla Mission ha ka por 8:30 baje mynstep.