Iap uwei na ka jingpluh ding ba triem ha Thana Road Khyndailad

Syllad | The Rising MeghalayaOctober 14, 2023

Uwei u briew u la khlad noh na ka jingiap op namar ka tdem hapoh ka dukan ne ka jaka buh tiar hadien ka jingpluh ding kaba triem kaba la jia kynsan haka sngi Saitjain ha ka lynti surok Thana Road, Khyndailad, Police Bazar Shillong.

Na ka liang u SP ka East Khasi Hills District, Shillong haba iakren lyngba ka phone u la ong ba kane ka jingjia ka la jia hapoh ka Janata Furniture building ha ka por 1.20 pm, bad ia une u lanot la ithuh kum u manager jong ka Bhajanlal.

Ki tyllong khubor ki iathuh ba une u manager u la leit sha katei ka kudam hadien ba u la sahkut noh hapoh jong kane ka iing hadien ba kane ka jingpluh ding ka la wan jia kynsan.

Na ka liang u heh pulit uba don ha kane ka jaka u la ong ba ia une u briew la lah ban sei noh na kane ka kudam lyngba ka jingkhang kaba rit hynrei u la khlad noh namar ka jingiap op.

Kane ka jingjia ka la wanrah ruh ka jingeh ia ki kynhun pynlip ding namar ka jingkhapngiah palat ka jaka.

Haduh ba thoh iaka khubor 10:30 mynmiet dang iaksaid ki pulit ban pynlip ia ka ding kaba klang ha Khyndailad

Ki dkhot ka tnat pynlip kat haduh mynta ka por 10:30 mynmiet jong ka sngi Saitjain ki dang iai bteng ban iakhun ban lah ban  pynlip duh ia ka ding kaba klang kynsan naduh ka por mynsngi ha ki bynta jong ka surok Thana Road, Khyndailadlad Shillong kaba la shim ruh ia ka jingim jong uwei u briew.