Iap u hati khlaw na ka jingsuba shah lympat bording elektrik ha Ri Bhoi

Syllad | The Rising MeghalayaApril 16, 2025

Uwei u hati khlaw u la iap na ka jingsuba shah lymbat ha ka bording elektrik ha ka jingjia kaba la jia ha kawei ka khlaw ha Ri Bhoi District.

Ia une u hati uba la thiah iap lyngktar la lap haka 15 tarik Iaiong na ka khlaw kaba don ha 14th Mile ha ka thain Byrnihat.

Ki nongtrei ka Tnad Wildlife hapoh ka jingialam jong u Range Forest Officer u Bah Leening Wahlang tang mar ia ioh ia kane ka jingtip ki la her bran bran sha katei ka jaka hadien ba ki la pynshisha halor ka jingdon jong uwei u hati uba la thiah iap.

Kane ka kynhun ka la pynlong ruh ia ka jingtohkit ha katei hi ka jaka kaba ka la suba jur ba une u hati u la iap na ka jingshah lympat ha ka bording ba la pynlong lyngba u sainar bording uba iaid na katei ka jaka khlaw.