Iakynduh ki nongialam ka AVBP Meghalaya ia ka DGP ka Jylla

Syllad | The Rising MeghalayaMay 31, 2024

Ka Akhil Bharatiya Vidyarthi Parishad (ABVP) Meghalaya ha ka 30 tarik Jymmang ka la ioh ban iakynduh ia ka Director General of Police (DGP) ka Jylla ka Kong Idashisha Nongrang bad iakren ruh halor kiba bun ki mat kiba kane ka seng ka ju leh bad trei hapoh ka Jylla bad ha ka Ri hi baroh kawei.

Ha kane ka jingleit iakynduh la ialam da u State Secretary ABVP u Tengku M.Marak bad  la synran lang da u Joint Secretary u Bah Bomsing Khongtir, bad NEC Member Kong Promila Tham.

Na ka liang u Tengku M Marak u la batai halor ki kam jong ka ABVP kum ka Seng jong ki Samla pule kaba heh tam ha ka pyrthei, bad u la ruh ia ki jingpyrshang bad ki jingtreikam ha ka ban kyntiew ia ka bha ka miat jong ki samla bad ki khynnah pule jong ka Ri bad ruh ban iarap ia ki samla ban don ia kata ka mynsiem ieid ia la ka Ri.

Kumjuh na ka liang ka Kong Nongrang ruh ba na ka liang ka Tnat pulit ka Jylla ka long kaba kloi ban ai ka jingiatreilang khnang ban lah ban tei ia ka lawei kaba bha jong ki khun samla.