Iakhaid Lumphyrnai Sohphoh bad ka Mukhla Raij haka Super Division ka TSA

Syllad | The Rising MeghalayaAugust 18, 2025

Ka jingiakhun hapdeng ka Lumphyrnai Sohphoh pyrshah iaka Mukhla Raij kala kut da kaba iakhaid mar 2-2 haka Super Division Football Tournament kaba pyniaid da ka Thadlaskein Sports Association (TSA) kaba long ha madan Multi Sports Complex Wahiajer haka 18 tarik Nailar.

Ha kane ka jingiakhun ka Lumphyrnai kala ioh shuwa ban pynkhih iaka jar lyngba u Sumar Suting (43), ka kol kaba ar la thep da u Dapyntgen suting (61). U Davidson Iawphniaw (47) bad Chandame Suna (71) ki ar ngut ki player kiba ioh pynkhih iaka jar na ka bynta ka Mukhla Raij.

Haba phai sha ka resol 2^nd Division, ka Iawthymblein kala iakhaid bad ka Nongdhar mar 1-1. Ia kine ki kol la thep da u Bistar Lyngdoh (67) na kaliang ka Iawthymblein bad ka na ka bynta ka Nongdhar la thep da u Leading Shiwat (35).

Ka jingialehkai kaba bud ka Mainroad kala jop iaka Niriang United da 1-0. Ia kane ka kol la thep da u Sainborlang Dkhar (57).

Ka jingialehkai haka 19 tarik haka 2^nd Division kan long hapdeng ka Dreaming SC Mupliang pyrshah iaka Madur SC bad la Ryntih Mynsngat pyrshah United Ummulong haka por 10 baje mysntep bad 12 baje mynsngi

Haka kyrdan Super Division ka Niriang Sc kan iakhun pyrshah iaka Nongkhroh Rim haka por 3 baje nohphaisngi.