Iakhaid ki jingialehkai Super Div ka EJHDFA

Syllad | The Rising MeghalayaNovember 14, 2023

Ki ar tylli ki jingialehkai, kata hapdeng ka Khliehriat West pyrshah iaka Thangskai Tiger bad ka Dhana pyrshah iaka Moolamanoh kila wai da kaba iakhaid haka Super Division Football Tournament kaba pyniaid da ka East Jaintia Hills District Football Association (EJHDFA) ha madan Artificial Turf Diengshynrum, Khleihriat haka sngi ba Ar.

Haba phai sha ka jingiakhun ka Khliehriat West YWSC bad ka Thangskai Tiger SC kala kut noh da kaba iakhaid khlem don mano mano ba ioh pynkhih jar.

Ha kawei pat ka jingialehkai, ka Dhana SC bad ka Moolamanoh SC kila iakhaid mar 1-1.

Ka Moolamanoh ka la ioh shuwa ban pynkhih jar haka minit kaba 33 ba la thep da u Eriston Dkhar katba ka Dhana SC ka la lah ban pyniakhaid iaka jingiakhun haka minit kaba 63 ba la thep da u Chirup Sumer 63.