Iakhaid ki jingialehkai 2nd Div Football ka EJHDFA

Syllad | The Rising MeghalayaAugust 28, 2024

Haka sngi ba ar jong ka jingialehkai 2nd Division Football, ki ar tylli ki jingialehkai kila kut noh da kaba iakhaid hapdeng ka SWO Moosiang Lamare Old SC pyrshah iaka Umlyngsha Youth SCC bad ka Rymbai Pohskur SC pyrshah iaka Iongkaluh SCSC haka 28 tariik Nailar.

Kane ka lympung kaba pyniaid da ka East Jaintia Hills District Football Association (EJHDFA) la pynlong ha madan artificial turf ha Diengshynrum.

Haba phai sha ka jingialehkai kaba nyngkong, ka SWO Musiang Lamare Old bad ka Umlyngsha ka jingiakhun kala kut khlem don mano mano ba ioh pynkhih jar.

Katba ka jingialehkai hadpeng ka Rymbai Pohskur bad ka Iongkaluh kala kut noh da mar 1-1. Ha kane ka jingiakhun ka Iongkaluh kala iohshuwa ban pynkhih iaka jar lyngba u Ricky Kyndait (54), hynrei tang hadien katto katne por ka Rymbai Pohskur kala tan kylla iaka jingialehkai sha kaba iakhaid lyngba ka kol kaba la thep u Lamphrang Dkhar (65).