Iakhaid ki ar tylli ki jingialehkai 2nd Div ka WJDSA

Syllad | The Rising MeghalayaSeptember 16, 2024

Ar tylli ki jingialehkai 2nd Division Football Tournament – 7th Debo Shullai Memorial Trophy kaba pyniaid da ka West Jaintia District Sports Association (WJDSA) kila kut da kaba iakhaid haka jingiakhun kaba long ha madan Kiang Nangbah Stadium haka 16 tarik Nailur.

Ka jingialehkai kaba nyngkong kala long hadpeng ka NSA pyrshah iaka Maitshaphrang Mowtyrchiah. Kane ka jingiakhun kala kut khlem don mano mano ba ioh pynkhih jar.

Haka jingialehkai kaba bud ruh hapdeng ka Chilliangraij pyrshah iaka Khliehmynkrem ka jingialehkai kala wai da kaba iakhaid khlem ioh thep kol.

Haka 17 tarik Nailur, ka jingialehkai kan long hapdeng ka Panaliar pyrshah Lion Sports & Youth Affair haka por 12.00 baje mynsngi, ka Lumpariat pyrshah iaka Khliehmyntang Ialong haka por 2.00 baje nohphai sngi.