Iakhaid ka tnad C&RD bad ka MeECL XI haka football inter office ka MSGEF

Syllad | The Rising MeghalayaNovember 26, 2021

Ka jingiakhun football hapdeng ka tnad C&RD pyrshah iaka MeECL XI kala kut da kaba iakhaid mar 4 kol haka jingiakhun football Inter Office kaba la tip kum ka ‘8th U Kiang Nangbah Memorial Trophy’ kaba pyniaid da ka Meghalaya State Government Employees’ Federation (MSGEF) kaba long ha Kiang Nangbah Stadium haka sngi Thohdieng.

Ha kane ka jingiakhun ka MeECL kala tam shuwa shakhmat da shikol lyngba ka kol kaba la thep u Wanlambok Buam (16) bad kane ka kol kala neh haduh bala kut ka kylla step.

Dei haka kylla miet ka jingiakhun hadpeng kine ki arliang mamla kala shongshit ha kaba kila ñion markylliang ban ioh thep kol.

Ka C&RD kala tan kylla iaka jingiakhun sha kaba iakhaid haka minit kaba 49 lynga ka kol u Heiwanmut Lamare. Sa shikol la thep da u Ebormi Laloo (51).

Kane ka kol ba ar C&RD kala neh tang katto katne por hadien ba ka MeECL kala ioh ban pynphai biang lyngba u Wantre Nikhla (61) uba la thep ruh iaka kol kaba ar jong u haka minit kaba 67.

Shuwa kane ka kol u Wantre ka MeECL kala bakla thep sha ka kol la jong lyngba u Mediphrang Pohleng ha kane minit kaba 65.

Tang hapoh shi minit bala iaid ka jingiakhun u Beasanlang Tariang haka minit kaba 68 ula thep iaka kol kaba saw C&RD bad u Mediphrang ruh ula ioh biang shikol iaka MeECL haka minit kaba 71 kala pynlong ia kane ka jingiakhun ban iakhaid mar 4-4 kol.