Iakhaid ka Nongkhroh bad ka Mukhla Raij, jop ka Lumkynsaw 5-0 haka football ka TSA

Syllad | The Rising MeghalayaSeptember 6, 2025

Ka Lumkynsaw kala kala jop da 5-1 pyrshah iaka Thadmynri, katba ka Namdong-A pyrshah iaka Maskut bad ka Nongkhroh Rim pyrshah iaka Mukhla Raij kila iakhaid haka jingialehkai football haka kyrdan 2nd Division bad Super Division haka 5 tarik Nailur.

Ia kine ki jingialehkai la pyniaid da ka Thadlaskein Sports Association (TSA) ha madan Wahiajer Multi Sports Complex.

Haka 2nd Division, ka Lumkynsaw kala pynliem da 5-0 iaka Thadmynri. Ia kine ki kol ka Lumkynsaw la thep da u Arman Lamare (12′), Hamebanjop Suting (24′, 42′) bad Tyngshain Nongrum (53′, 69′).

Ha kawei pat ka jingialehkai ka Namdong-A bad Maskut kala kut khlem da don mano mano ba ioh ban pynkhih jar.

Haba phai sha ka jingiakhun Super Division hapdeng ka Nongkhroh Rim bad Mukhla Raij kala kut da mar 1-1.

Na kaliang jong ka Nongkhroh Rim la thep da u Rahbok Synnah (18′), katba na ka bynta ka Mukhla Raij la thep da u Lakhon Surong (49′).