Iakhaid ka Nangbah Mulang bad ka Khimusniang haka Super Div ka WJDSA

Syllad | The Rising MeghalayaNovember 14, 2023

Ka Nangbah Mulang bad ka Khimusniang kila iakhaid mar 1-1 haka jingialehkai Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Ha kane ka jingialehkai ka Khimusniang kala tam shakhmat lyngba ka kol kaba la thep da u Precious Tang haka minit kaba 17, pynban tang 11 minit bala iaid ka jingiakhun ka Nangbah Mulang kala lah ha kaban pyniakhaid biang iaka jingiakhun lyngba u Wollrick Susngi 28′.

Kine ki arliang mamla kila sei iaka buit ka bor ban pyrshang har rukom ki jingpyrshang ban ioh thep kol, hynrei haduh ba kut kila iap ban iasam mar shi poin.

Lashai ka sngi 15 tarik Naiwieng, ka jingialehkai kan long hapdeng ka Ladthadlaboh pyrshah iaka Niaw Wasa haka por 1:30 PM.