Iakhaid ka Mukhla Raij bad ka Nangbah Mulang mar 5-5 kol haka Super Div ka WJDSA

Syllad | The Rising MeghalayaNovember 29, 2023

Ka dei ka jingialehkai kaba mih bun kol, hynrei kala kut pat da kaba iakhaid mar 5-5 hapdeng ka Mukhla Raij pyrshah iaka Nangbah Mulang haka Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

Haka jingiakhun ka Nangbah Mulang ka la ioh ban thep iaka kol kaba nyngkong tang hapoh 2′ bala iaid ka jingiakhun lyngba u Mebanjop Hinge, u Chanhok Siangshai 41′, u Woldrick Susngi 69′, 90′ bad u Ram Bang (own goal) haka minit kaba 90’+5.

Na kaliang ka Mukhla Raij la thep da u Noel Dkhar (own goal) haka minit kaba 16′, u Timmy Ryngkhlem 20′, 90’+4 , 90’+5 bad u Diya Singh 88′.

Ka jingialehkai kaba khatduh jong ka kylla kaba nyngkong kan long haka 30 tarik Naiwieng hapdeng ka Ladthadlaboh pyrshah iaka Shangpung Lumiawmuchai haa por 1:30 Pm.