Iakhaid ka 2nd Div, jop ka Mookymphad, Umshangiar bad ka Riatsaliya haka 3rd Div Football ka WJDSA

Syllad | The Rising MeghalayaSeptember 3, 2025

Ka Mookymphad Mihmyntdu, Umchangiar SC bad Riatsaliya Mihmytdu kila khur jingjop haka 3rd Division, katba ka Chilliangraij SC kala iakhaid bad ka Khliehmyntang Ialong haka 2nd Division Football Tournament kaba long ha Kiang Nangbah Stadium haka 3 tarik Nailur.

Baroh ar tylli kine ki lympung ialehkai la pyniaid da ka West Jaintia District Sports Association (WJDSA).

Haba phai haka jingialehkai haka 3rd Division, ka Mookymphad Mihmyntdu kala pynliem da 2-0 iaka Catholic Youth Mihmyntdu. Ia kine ki kol la thep da u Jerry Dhar (26′) bad Humbertson Rymbai (69′).

Ha kawei pat ka jingialehkai ka Umshangiar SC kala jop da 1-0 iaka Loompyrdi Iongpiah lyngba ka kol kaba la thep da u Monlang Sutnga (5′).

Shuh shuh ka Riatsaliya Mihmytdu kala pynliem da 1-0 Lumkhangdong Kyndongtuber. Ia kane ka kol la thep da u Jeremy Shylla (15′).

Ha jingialehkai haka 3rd Division, ka jingiakhun kala kut da kaba iakhaid khlem don mano mano ba ioh pynkhih jar hapdeng ka Chilliangraij SC pyrshah iaka Khliehmyntang Ialong.