Iaid shait shait ka Second Div ka Saipung Block Sports Assoc

Syllad | The Rising MeghalayaSeptember 21, 2023

Ka Lumshynngan SC ka la khur jingjop da 2-1 pyrshah iaka Moolasngi haka lympung ïalehkai Second Division Football Tournament ba la pynïaid da ka Saipung Block Sports Association (SBSA) ha madan Lamyrsiang, East Jaintia Hills District.

Kane ka lympung ïalehkai ka la sdang naduh ka 12 tarik Nailur bad la wan ïashim bynta kumba 32 tylli bad la phiah ha ki 8 tylli ki thup.

Ïaki kol jong ka Lumshynngan SC la thep da u Ferdinand Dkhar 55′ bad u Rining Sutnga 57′.

Haka jingïakhun kaba bud, ka Bamkhosngi SC bad ka Mynthlu SC ka jingialehkai kala kut khlem don mano mano ba io pynkhih jar..

Haka jingïakhun kaba khatduh jong kane ka sngi ka Bamkhosngi United SC ka la pynliem ïaka Moolasngi SC da 1-0. Ia kane ka kol la thep da u Jesta Ngirsim 51′.

Haka 22 tarik ka jingïakhun kan long hapdeng ka Lumtong SC pyrshah ïaka WLOI & RCL haka por haka por 10.30 baje mynstep. Ka Krem Myrsiang SC pyrshah ïaka Moolamylliang SC haka por 12.15 baje nohphai sngi. Ka Mulait Bri-Sutnga SC pyrshah ïaka Kseh SC haka por 2.00 baje nohphai sngi.