Iaid sahuh ki trok kit palat pud, sniew ka surok Naritang Khanduli ujor ka KSU ha u DC

Syllad | The Rising MeghalayaOctober 27, 2021

Ka Khasi Stidents’ Union (KSU) Nartiang Circle kala ujor sha u Deputy Commissioner, West Jaintia Hills District ba iaid sahuh ki trok ba kit palat pud kaba la wanrah iaka jingsniew ka surok Jowai Nartiang Kdiap Khanduli.

Ka KSU Nartiang circle haka 25 tarik une u bnai haka jingialam jong u general secretary u samla Chanbor War bad u Juhhi Tariang publicity secretary bad kiwei kiwei kila ujor sha u Deputy Commissioner halor ka jingsniew tasam ka surok bad ym shym la maramot ia kane ka surok kaba la wanrah jingeh iaka iaid ka ieng u paidbah.

Ka KSU kala ujor ba bun ki kali Truck/Dumper kiba kit palat pud ki iaid lyngba kane ka surok kaba la nang pynsniew shuh shuh iaka surok. Ka KSU halor kane ka kyrpad ia u DC ban shimkhia ban tuklar bad ban phah maramot ia kane ka surok ba suk u paidbah ba iaid ba ieng.