Ïaid paidbah ki khynnal skul ban dawa iaka jingbishar hok ka longkmie ba shah pyniap hala u lok ha West Jaintia Hills

Syllad | The Rising MeghalayaJuly 2, 2023

Ka Movement for Change bad ka Dorbar Shnong Pammanik West Jaiñtia Hills District haka sngi Saitjain kila pynlong ka jingïaid rally bad thang mombati ban sngewlem halor ka jingshah pynïap dusmon ka longkmie (L) Rodit Langstang kaba naka shnong Pammanik.

Kumban shu pynkynmaw kane ka jingjia shah pyniap ka long Rodit Langstang kala jia haka 31 tarik Jymmang haka iing sah jong ka Pammanik. Kiba haiing kila lap iaka metiap jong ka haka sngi kaba bud 1 tarik Jylliew bad kila mudui ka jingujor ejahar sha ki pulit ka Pharamer Traffic ba ki suba jur ia kane ka kam pyniap la leh da u lok jong ka hi u Roibiang Pakma.

Shuwa ka jingiaid paidbah la don ka jingialang kaba lynkgkot ha community hall ka shnong Pammanik. Hadien pat la pynlong ka jingïaid rally haduh ban da poi ha iingsah jong ka lanot bad hangne la pynlong ka jingthang mombatti kaba la ïashim bynta daki khynnah skul bapher ka shnong Pammanik, ki nonghikai bad ki paid nongshong shnong kynthei bad shynrang.

Ki khynnah skul bad ki nongshong shong kila mih paidbah ryngkat ki jingthoh pynrem ban dawa ban pynioh iaka jingbishar kaba hok iaka Rodit Langstang. La dawa ruh naka bor jong ka ain ban pynshitom ia u Roibiang ban pynsaja da kaba set phatok shi jingim

Ki nongkren ha kane ka jingiaid paidbah ki kynthup ka Kong Yoophika Langstang, ki nonghikai, ka President Village Organisation jong ka shnong Pammanik ka Kong Fecility Dhar, u P Lyngkot, u P Samaiang bad u C Sungoh kiba la pynrem jur ia kane ka jingshah pyniap ka Rodit Langstang.