Iabit khlam COVID-19 iwei i nongtrei ha DTO Ophis Jowai

Syllad | The Rising MeghalayaJuly 1, 2021

U District Magistrate, West Jaintia Hills Garod LSN Dykes haka sngi Palei ula pyntip ba don iwei i nongtrei ka ophis District Transport Officer, Jowai kaba la iabit jingpang khlam COVID-19.

Kino kino kiba leit ha katei ka ophis ha kine ki 14 sngi bala dep ba kin shong pynkyrpang ialade ha ki ïing ki sem bad ban report sha ka jaka sumar kaba jan tam lada don kino kino ki dak ki shin ba kynthup iaka jingshit met, jyrhoh, ka jingtlot ka bor met, pang met, ym bang bam, shitom ban ring pynhiar mynsiem, pynhiar, prie bad kiwei kiwei.

Shuh shuh u District magistrate ula pynbna ruh ba kane ka ophis kan khang naduh lashai ka sngi 2 tarik Naitung haduh 8 Tarik Naitung ban pynkhuid ia kane ka ophis.