Hynriew bnai shah rai set phatok u Silas Sten ba rung jubor bad thombor ia u rangbah haiing

Syllad | The Rising MeghalayaMay 23, 2025

U Nongbishar ka iingkashari District and Sessions Court, Jowai u N.A Khan ha ka 20 tarik Jymmang ka la rai pynrem ia uwei u rangbah uba kyrteng u Silas Sten uba dei na ka shnong Mukroh da kaba set phatok hynriew bnai namar ka jingleit rung jubor ha kawei ka iing bad thombor ia u rangbah uba kyrteng u Shngain Niang.

Haba pyntip halor kane u Superintendent of Police (SP), West Jaintia Hills u Bah C Syrti u la ong ba ha ka 8 tarik u Nailur 2016 ka la don ka jingujor ejahar da uwei u briew uba kyrteng u Shngain Niang ha kaba u la iathuh ba ha ka miet jong ka 3 tarik Nailur 2016, utei uba la shah kynnoh donkti u la wan rung jubor hapoh ka iingsah jong u ha ka por kumba 10 baje mynmiet ha kaba u la byrthen ia u da kaba sei da ka wait tukri bad hadien u la pynngop ia ka kurim jong u.

U SP u pyntip ba ia ka case la register hapoh Jowai PS Case No. 210(09)16 U/s 444/506/376 IPC ha kaba la pynlong ia ka jingtohkit bad chargesheet da ka Sub Inspector J Nongseij.

U la ong ba ka Iingkashari ka la rai pynrem ia u Silas Sten hapoh ki kyndon Sections 448 bad 323 IPC.