Hukum u DM ban khang baroh ki iew ha Jowai

Syllad | The Rising MeghalayaMay 4, 2021

U District Magistrate, West Jaintia Hills District Garod LSN Dykes haka sngi ba ar ula pynmih ka hukum ban khang ia baroh ki iew ha sor Jowai hadien ba ki nongdie nongthied kila pynkhein iaki adong adit ban iada iaka khlam COVID-19.

U District Magistrate ula pynmih ia kane ka hukum ban khang iaki iew ha sor Jowai naduh mynta ka sngi tad haduh bala pynbna da kumwei.

Ia kane ka hukum la pynmih hadien bala ioh ka report na u Incident Commander bad u Sector Magistrate ba ki nongdie nongthied ha ki iew ki hat ki pynkhein iaki adong adit COVID-19, kata ba ki nongdie nongthied ki khlem deng iaki mask bad ialang khrui haki jaka iew khlem bud iaka social distancing ne ka jingiengkham pajih iwei ia iwei ha iew.

Kine ki iew bala lap ba pynkhein iaka adong adit COVID-19 ki kynthup iaka Iawmusiang (Pohiaw), CNI Market (Iaw Chor), Seinraij Market (Iaw Seinraij) kiba don ha Iawmusiang, Jowai bad ka Presbyterian Market (Iaw Chyiap) ha Chutwakhu, Jowai.